TEMBANG MACAPAT

MASKUMAMBANG 

nadyan silih bapa biyung kaki nini

sadulur myang sanak

kalamun muruk tan becik

nora pantes yen den nuta 

MIJIL 

Poma kaki padha dipuneling

ing pitutur ing ngong 

sira uga satriyaning arane 

kudu anteng jatmika ing budi

ruruh sarta wasis 

samubarangipun

SINOM

Nuladha laku utama 

tumrape wong tanah jawi

wong agung ing ngeksiganda 

panembahan senapati 

kepati amarsudi 

sudanen hawa lan nepsu 

pinepsu tapa brata 

tanapi ing siang ratri 

amemangun karyanak 

tyasing sesami

KINANTHI

Mangka kanthining tumuwuh 

salami mung awas eling

eling lukitaning alam 

dadi wiryaning dumadi

supadi nir ing sangsaya 

yeku pangreksaning urip

ASMARADHANA 

Aja turu sore kaki

ono dewa nglanglang jagad 

nyangking bokor kencanane

isine donga tetulak 

sandang kalawan pangan

ya iku bageyan ipun 

wong melek sabar narimo

GAMBUH

Sekar gambuh ping catur 

kang cinatur polah kang kalantur 

tanpa tutur katula tula katali

kadaluarsa katutuh

kapatuh pan dadi awon

DHANDHANGGULA

Yogyaniro kang para prajurit

lamun bisa samya anulada

kadya nguni caritane 

andelira sang prabu

sasrabau ing maespati

aran patih suwanda 

lelabuhanipun 

kang ginelung tri pakara 

guna kaya purune kang den atepati

nuhoni trah utama

DURMA

Dipun sami ambanting sariranira

cegah dhahar lan guling derapon suda

nepsu kang ngambra - ambra 

marema ing tyasireki 

dadya sebarang 

penggawene kang becik

PANGKUR 

Mingkar mingkuring angkara

akarana karanan mardi siwi

sinawung resmining kidung 

sinuba sinukarta

mrih kretarta 

pakartining ngelmu luhung

kang tumrap neng tanah jawa

agama ageming aji

MEGATRUH

Sigra milir kang gethek 

sinangga bajul 

kawan dasa kang njageni

ing ngarsa miwah ing pungkur 

tanapi ing kanan kering

kang gethek lampanya alon

POCUNG 

Ngelmu iku

kalakone kanthi laku 

lekase lawas kas 

tegese kas nyantosani

setya budya pangekese

dur angkara